School for Sex Education

Posted on December 3, 2011 By admin Funny News

 

രതി പരിശീലിക്കാന്‍ ലോകത്തെ ആദ്യ സ്‌കൂള്‍

രതിയുടെ ബാലപാഠങ്ങള്‍മാത്രം അറിയുന്നയാളാണോ നിങ്ങള്‍? മടിക്കേണ്ട ഓസ്ട്രിയയില്‍ തിയറിക്കുപുറമെ പ്രായോഗിക പരിശീലനംകൂടി നല്‍കുന്ന സ്‌കൂള്‍ തുറന്നിരിക്കുന്നു. തുടക്കംതന്നെ വിവാദങ്ങള്‍ക്ക് വഴിമരുന്നിട്ട സ്‌കൂളിന്റെ ആഭാസംനിറഞ്ഞ പരസ്യം നിരോധിച്ചെങ്കിലും പ്രായോഗിക പരിശീലനത്തിനും തിയറി പഠനത്തിനും വിലക്കില്ല!

പതിനാറ് വയസിനുമുകളില്‍ പ്രായമുള്ള ആര്‍ക്കും ഓസ്ട്രിയന്‍ ഇന്റര്‍നാഷ്ണല്‍ സ്‌കൂളില്‍ പ്രവേശനം നേടാമെന്ന് ഹെഡ്മിസ്ട്രസ് യിവ മരിയ തോംപ്‌സണ്‍ വ്യക്തമാക്കിയിട്ടുണ്ട്. ഒരു ടേമിന് മാത്രം 1400 പൗണ്ടാണ് ഫീസ്. ആളുകളെ എങ്ങനെ മയക്കാമെന്ന് അധ്യാപകര്‍ പരിശീലിപ്പിക്കും. ക്ലാസിലെടുത്ത പാഠം പരിശീലിക്കുന്നതിന് ആണ്‍കുട്ടികള്‍ക്കും പെണ്‍കുട്ടികള്‍ക്കും പൊതുശയനമുറിയാണ് ഒരുക്കിയിട്ടുള്ളത്. കോഴ്‌സ് വിജയകരമായി പൂര്‍ത്തിയാക്കിയാല്‍ സര്‍ട്ടിഫിക്കറ്റും കിട്ടും.

തിയറിയേക്കാള്‍, പ്രായോഗിക പരിശീലനത്തിനാണ് പ്രാമുഖ്യമെന്ന് സ്‌കൂള്‍ അധികൃതര്‍ ആദ്യംതന്നെ വ്യക്തമാക്കിയിട്ടുണ്ട്. തഴുകിയുണര്‍ത്തല്‍, വ്യത്യസ്ത പൊസിഷനുകള്‍ സ്വീകരിക്കല്‍ തുടങ്ങി രതിയുമായി ബന്ധപ്പെട്ട വിഷയങ്ങള്‍ക്കെല്ലാം ഇവിടെ ക്ലാസുകളുണ്ടാകും. ലൈംഗികതയെ വില്‍പ്പനച്ചരക്കാക്കുന്നതിനെതിരെ രാജ്യത്ത് പ്രതിഷേധം തുടങ്ങിയിട്ടുണ്ട്. പ്രതിഷേധം ശക്തമായതിനെതുടര്‍ന്നാണ് ദമ്പതികള്‍ അടുത്തിടപഴകുന്ന പരസ്യം നിരോധിച്ചത്.

Courtesy to Mathrubhumi, 3rd December 2011